Galbanizatuak

Kontaktua

Galbanizazioaren aplikazioak

ERAIKUNTZA

Egiturak, zurgintza, eskailerak, barandak, itxiturak, eroanbideak, aldamioak.

INDUSTRIA-INSTALAZIOAK

Nabeak, egiturak, biltegiak eta hodiak.

NEKAZARITZA ETA ABELTZAINTZA

Berotegiak, siloak, biltegiak, ukuiluak eta granjak, hegazti-granjak, hesiak eta ureztatzeko ekipoak.

HIRI-ALTZARIAK

Farolak, semaforoak, edukiontziak, markesinak, bankuak, parke eta lorategietarako instalazioak.

KIROLA ETA AISIALDIA

Estadioak, igerilekuak, kiroldegiak, teleferikoak eta teleaulkiak, haurren parkeak.

ELEKTRIZITATEA ETA TELEKOMUNIKAZIOAK

Dorre eta azpiestazio elektrikoak, telefonia-antenak, telebista-errepikagailuak.

ERREPIDEETAKO EQUIPAMENDUA

Pasabideak, seinaleztapen-portikoak, segurtasun-hesiak, pantaila akustikoak, karelak.

GARRAIOA

Tren-katenariak, geltokiak, terminalak, biltegi eta instalazio lagungarriak, ontzigintza.

Zer da galbanizazioa? Zer onurak ditu?

Beroko galbanizazioaren bitartez, burdina edo altzairua zink urtuzko bainu batean murgildu eta zinkez gainestaltzen da, gutxi gorabehera 450 gradu zentigraduko tenperaturan. Prozesuari murgilketazko edo sugarrezko galbanizazioa ere esaten zaio. Galbanizazioa hezetasunak eta kutsadurak burdinan sortzen duten oxidazioa eta korrosioa saihesteko erabiltzen da.

Denbora gehiago irautea

Berotan murgilduz galbanizatutako produktu batek 20 eta 30 urte bitarteko iraupena du, betiere esposizio-denboraren arabera.

Ez du mantentze-gasturik

Behin materiala galbanizatuz gero, ez da beharrezkoa berriro margotzea, eta ez da inolako mantentze-lanik egin behar.

Estaldura-bermea

Murgilketazko galbanizazioak piezaren barne- eta gainazal-estaldura bermatzen du.

Galbanizazioaren prozesua

Galbanizatu behar diren piezei aldez aurretik ematen zaien tratamendua prozesua bera bezain garrantzitsua da, izan ere, tratamenduak baldintzatuko ditu estalduraren itsaskortasuna eta uniformetasuna. Hona materialak tratatzeko jarraitzen ditugun pausoak.

1. DESKOIPEZTAKETA

Prozesu hau materialei koipea kentzeko egiten da. Batzuetan, soluzio alkalinoetan sartzen da pieza; beste batzuetan, ordea, deskoipeztatzaile azidoekin garbitzen da. Garbitzeko fase hau ezinbestekoa da ondorengo bainuak eraginkorrak izateko.

2. DESUGERKETA

Materiala azido klorhidrikozko bainu batean murgilduz egiten da desugerketa. Hari esker, galbanizatu beharreko gainazalen oxido metalikoak desagertzen dira eta gainazala garbi geratzen da -substantzia kimikorik gabe-. Bi faktorek zehazten dute desugerketan eman beharreko denbora: batetik, piezen gainazalaren oxidazio maila, eta bestetik, azido-soluzioaren kontzentrazioa.

3. GATZ-BAINUA EDO FLUXATUA

Gatz-bainua (zink kloruroarekin eta amonu kloruroarekin egindako nahasketa) edozein ezpurutasuna ezabatu eta azal metalikoa garbi-garbia uzteko erabiltzen da. Garbiketa egiteko gatzezko bainu batean murgiltzen da produktua eta gainazal ferroso eta zink-aleazioaren arteko itsaspena ziurtatzeko erabiltzen da.

4. ZINK BAINUA

Galbanizatu beharreko piezak zink urtuzko bainuan murgiltzen dira 450 graduko tenperaturan. Kontu handia eduki behar da materiala bainuan sartzerakoan, bertatik ateratzerakoan eta xukatzerakoan, galbanizatuak kanpotik zein barrutik baitu eragina. Halaber, oso garrantzitsua da materiala ondo prestatzea gasak egoki jariatzeko eta zink urtua barnealdean sartu eta hura behar bezala estal dezan.

5. HOZTEA

Behin galbanizazioa bukaturik, piezak uretan edota aire zabalean hoztu daitezke.

Galbanizazioak bete beharreko baldintzak

Espainiako eta Nazioarteko UNE EN ISO 1461 arauak (Burdinan eta altzairuan akabatutako produktuak berotan galbanizatzeko estaldurak. Zehaztapenak eta saiakuntza-metodoa) zehazten ditu zein baldintza bete behar dituzten beroko galbanizazioaren bitartez etenkako instalazioetan egiten diren estaldura galbanizatuek.

Murgilketazko galbanizazioak kalitate ona duen jakiteko, gainazaleko itxura, itsaspena eta lodiera izaten dira kontuan. Piezaren lodiera da garrantzitsuena, izan ere, piezaren iraupena zuzenki proportzionala da lodierarekiko.

Piezaren lodiera	Kanpo-estaldura (gutxienekoa)		Batez besteko estaldura (gutxienekoa)
	g/m2	µm	g/m2	µm
Altzairua > 6 mm	505	70	610	85
Altzairua > 3 mm hasta =< 6 mm	395	55	505	70
Altzairua >= 1,5 mm hasta =< 3 mm	325	45	395	55
Altzairua < 1,5 mm	250	35	325	45
Moldekatutako piezak >= 6 mm	505	70	575	80
Moldekatutako piezak < 6 mm	430	60	505	70

Materialaren prestakuntza

Profil hutsak daramatzaten artikulu eta eraikuntza metalikoetan ezinbestekoa da aireztapen-zuloak egitea, zinka zulo horietan sartu eta haietatik atera dadin, bai eta horietan airea sar eta haietatik atera dadin ere.

Nolanahi ere, ez da komenigarria galbanizazioaren ondoren zulo horiek estaltzea; izan ere, hutsune horiek barneko aldeari ematen dieten aireztapenak pasibazio-kapa bat sortzen du zinkezko barne-estalduran. Edozein arrazoirengatik zulo horiek estaldu egin beharko balira, plastikozko, altzairuzko edota berunezko tapoiekin egin daiteke.

PROFILAREN DIAMETROA (mm)	ZULOAREN GUTXIENEKO (mm)
< 25	10
25 - 50	12
50 - 100	16
100 - 150	20
> 150	Kontsultatu galbanizatzailearekin

Idatzi eta lagunduko dizugu

GALVANIZADOS LACUNZA S.A., como responsable del tratamiento, le informa que sus datos son recabados con la finalidad de: Recoger los datos de carácter personal que sean obtenidos a través de los formularios de contacto disponibles en la página web de la empresa para el contacto con el solicitante. La base jurídica para el tratamiento es el consentimiento del interesado. Sus datos no se cederán a terceros salvo obligación legal. Cualquier persona tiene derecho a solicitar el acceso, rectificación, supresión, limitación del tratamiento, oposición o derecho a la portabilidad de sus datos personales, escribiéndonos a la dirección de nuestras oficinas, o enviando un correo electrónico a galasa@galvanizadoslacunza.com indicando el derecho que desea ejercer. Puede obtener información adicional en nuestra política de privacidad



Bulegoak

Abarrategui, nº52 – 31830
Lakuntza (Nafarroa)



Ordutegia

A-O: 8:00 a 22:00
L-I: Itxita



Telefonoa

Tfno. 948 57 61 50
Fax 948 57 60 34